Os espazos naturais da provincia de Lugo están ameazados pola proliferación das explotacións mineiras; ese podería ser un bo resumo do que está acontecendo cas paisaxes da provincia. Así, temos un bo exemplo, que tanto está dando que falar, a canteira da ‘Campa-Santa Eufemia’ , e outro bon exemplo, do que falamos mási abaixo, é o da Pena branca, en Castroverde.
(Explotación mineira da campa)
Tamén as explotacións de cuarzo, a ceo aberto, están a punto de comezar a súa desfeita. Unhas 5.000 hectáreas de explotacións mineiras nos concellos de Castro de Rei, Cospeito, Abadín, Vilalba, A Pastoriza e Riotorto , que agora teñen que buscar todalas vías legais pra evitalo desastre, despois de que Industria otorgara a concesion a empresa Erimnsa. Éstes concellos reclaman que a concesión fixose sen solicitar informes a Medio Rural, para determinalo impacto económico e social, nin da Confederación Hidrográfica del Norte, aínda que percorre unha zona do Rio Miño.
Agora tamén, sobre 37 kilómetros cadrados da Serra de Outeiro Mayor, que vai polos concellos de Castroverde, O Corgo e Lugo, está tamén a ameaza de varias explotacions de granito, as de San Javier, para as que dispón dun permiso de investigación mineira a empresa Ingemarga.
Técnicos e voluntarios da Fundación Germán Estévez para a protección da natureza xa deron a voz de alarma a consellería de Medio Ambiente e tamén ante a Dirección Xeral de Urbanismo para lograr a protección desta Serra, tamén coñecida como paraxe de Soutomerille, no concello de Castroverde, e en fase de redacción.
Ademais, os ecoloxistas solicitan a Xunta que se plantee a posibilidade dun plan de protección para esta área na que figuran O ‘Pico de Outeiro’ e a ‘Pena Branca’, na parroquia de barredo, dúas penas de especial relevancia morfolóxica consideradas pola fundación como “únicas en Galicia”.
O permiso de investigación mineira, “que se acabará convertindo en concesión”, implicará, “un forte impacto paisaxístico”, cun tempo de actividade de 30 anos. O criterio da empresa pra seleccionar o terreo foi a “facilidade de extracción”.
Tamén teñen claro que é necesario “preservar e cuidar” esa zona pola que pasa o camiño primitivo de Santiago. A fundación iniciou xa a batalla legal, na que contan co apoio da asociación ‘Pena Branca’, do Concello de Castroverde. Ademais tamén contan co apoio dos Amigos do Patrimonio de Castroverde, que estiveron a recoller firmas nunha das pasadas feiras.
Para que poidamos facer fotos como éstas, todo o nos apoio a ‘Pena branca’:
ou ésta:
[…] Primeiro foron voluntarios da fundación Fundación Germán Estévez que podes ver nunha anterior entrada neste mismo blog. Agora súmase Adega, que di: […]