A Ruta das Fontes de Masoucos, situada no concello de Castroverde (Lugo), é unha das xoias naturais do noso territorio. Un percorrido que combina natureza, patrimonio e tranquilidade, ideal para quen busca desconectar e redescubrir a beleza do rural galego.
Nos últimos tempos, recibimos comentarios e observacións sobre o estado actual dalgúns tramos da ruta, e queremos agradecer sinceramente todas as achegas. Sabemos que o percorrido non está nas mellores condicións, e pedimos desculpas a todas as persoas que se viron afectadas.
🌬️ Un cambio inesperado no territorio
Cómpre lembrar que esta ruta foi deseñada antes da instalación do parque eólico de Puñago, situado no límite con Masoucos. A aparición desta infraestrutura provocou variacións nos camiños orixinais, dificultando a sinalización e o mantemento dalgúns treitos.
🛠️ Compromiso coa mellora
Comprometémonos a realizar traballos de limpeza, sinalización e mellora nas próximas semanas. Queremos que a Ruta das Fontes volva ser un espazo accesible, seguro e atractivo para sendeiristas, veciñanza e visitantes.
¿Que che parece a ruta? comenta
📲 Descubre a ruta das fontes de Masoucos en redes
Podes ver parte do percorrido e comentarios da comunidade nestas ligazóns: